Plantun de Prouvènço

Pèr coumpara dos planto d'encò nostre

Biscutella laevigata & Panicum barbipulvinatum

Erbo-de-sièis-ouro(-lisco)

Biscutella laevigata

Brassicaceae Cruciferae

Autre noum : Erbo-pinello.

Nom en français : Biscutelle commune.

Descripcioun :
Aquesto erbo-de-sièis-ouro, au nostre vèn en mountagno ounte èi pulèu coumuno dins li roucaio secarouso. Li fueio soun pelouso mai pas gaire retaiado au contre de Biscutella lima que trachis pu bas dins li colo. Pòu mounta fin qu'à 2600 m.

Usanço :
Se chabis de poucioun d'erbo-de-sièis-ouro censado ajuda à " encarna sa founso persounalita " o pulèu à ... se faire couiouna.

Port : Pichoto planto lignouso
Taio : 10 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Biscutella
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : 1,4 à 1,8 cm
Flourido : Printèms - Estiéu

Sòu : Ca
Autour basso e auto : 1200 à 2600 m
Aparado : Noun
Mai à Avoust

Liò : Tepiero seco - Roucaio
Estànci : Mountagnard à Subaupen
Couroulougi : Ouroufito-Éuroupenco-Cèntre-Sud
Ref. sc. : Biscutella laevigata L., 1753

Mi(-de-ribeirés)

Panicum barbipulvinatum

Poaceae Graminaceae

Noms en français : Panic des rivages, Millet des rivages.

Descripcioun :
Aquéu mi fèr, que nous vèn d'Americo de l'uba, sèmblo proun au mi-prim, Panicum capillare, que se rescontro proun dins lis ermas e li champ à l'autouno. Se n'en destrìo emé sis espigueto de coustat que soun pourtado pèr de pecou courtet (< 3 mm) e que rèston proun proche de la ramo (< 10°). D'un biais generau lis espigueto soun mens aluenchado lis uno dis autro. Apoundèn qu'aquéstis espigueto soun mens grosso e pu fino. Pèr l'ouro es esta vist soulamen dins la valado dóu Rose, mai poudèn pensa qu'aquesto meno vai s'espandi. Coumpara emé lou mi-prim e lis àutri mi se n'avès pas l'usanço.

Usanço :
A bessai li mémis usanço que soun cousin lou mi-prim.